今日人日開工，講吓竹地板嘅表面油漆處理
呢個話題久唔久都會講吓，因為唔係呢行又唔熟竹地板嘅朋友，唔識是正常的😁
一般嚟講竹地板嘅表面油漆有兩種嘅處理方法：
1. 最普遍又最多人用嘅 - UV型油漆 ( UV Coating)
UV型油漆，係用紫外線燈管固化嘅油漆，喺油漆線上分別做8層油，每一層薄薄而透明覆蓋表面，竹地板嘅紋理同天然顏色嘅清晰可見。
採用UV型嘅油漆，可以提供額外嘅硬度，更加容易護理，耐刮耐磨（金屬及尖銳物件一定會刮得花的，必須注意）、亦都提高左表面嘅耐水性（唔係防水呀！）
標準嘅UV油漆，係唔會因為長時間使用而脫落嘅。
如果長時間反覆磨擦同一個位置當然會有損壞啦，但係如果正常使用而整幅地板嘅油漆到脫落嘅話，好有可能就係油漆工藝嘅問題，例如採用嘅油漆唔合格，附着牢固性就會有問題；又或者係油漆生產線嘅紫外線燈管壞咗，起唔到固化作用，都會令到油漆經使用後容易脫落
2. 設計師或文青之選 - 木蠟油/硬質木蠟油 （Hardwax oil)
木蠟油就係一層附着性嘅保護層，乾透之後亦都有耐水抗污嘅保護作用。木蠟油最大嘅特性就係天然嘅啞光質感，有別於UV油漆低光的覆蓋性保護層，顯得更自然質樸。
由於木蠟油是附著於地板表層，反覆使用磨擦，會有磨蝕損耗，例如門口嘅位置，木蠟油就有可能薄咗或磨掉，更容易沾污；如考慮用木蠟油嘅竹地板，要注意定期維護保養。
Verdee維迪竹地板，唔同產品類型都有採用以上兩款地板保護層，有興趣可到我哋門市睇睇。
電話查詢（辦公時間）2892-0255
歡迎參觀陳列室 - VERDEE
*實際價格以現場度尺所得的報價單為準
*價格及條款如有變更，以公司最後決定為準
Comments