1月1日已讀 3 分鐘

有關揀選地板款式及顏色嘅分享

以下我哋綜合科能鑽石防水地板產品嘅特色，簡單分享

1. 睇顏色

防水地板，或者又叫石塑地板或者膠地板，採用嘅高清木紋飾面膠片，都係電腦製作出嚟。

香港家居普遍比較細小，如果用淺色就會顯得明亮光猛空間感更大，可以選擇Snow雪白色同無印風嘅Maple楓木色，呢兩個色嘅設計，冇樹眼或者補灰，乾淨明亮；但係如果有頭髮或者碎屑喺地面，就會好覺眼。

科能嘅EIR同步紋系列，Fog Grey霧灰、Almond木杏色及Cherry櫻桃，同樣都係冇樹眼冇補灰嘅淺色系列

如果想襟污糟啲，點綴咗少少樹眼同補灰仿實木嘅Light Oak淺橡木色，同埋Silver銀灰色亦都好受歡迎

此外，可以介紹吓我哋嘅Beige米白色，顏色係啡中帶灰，木紋係輕輕咁描畫出嚟，設計感強又非常特別

空間感足夠，又喜歡深木色嘅，可以選擇Red Oak紅橡木、Smoke Grey煙灰色、Slate Grey岩石灰、Chocolate朱古力、同步紋嘅Mink Grey水貂灰、Walnut胡桃；深色嘅地板可以帶嚟更強嘅溫暖感同埋沉實嘅感覺

2.睇設計

幾乎全部顏色同木紋都係電腦設計修飾出嚟，但係基礎都係掃描真實嘅木材，唔同嘅品牌採用嘅飾面都會有級數差異，科能嘅木紋設計，符合香港客戶嘅要求，唔會有誇張嘅木紋同埋強烈嘅紋理對比，風格溫和

通常木紋飾面嘅設計，一係就有少少木紋、樹眼等等，視覺上就會有對比；另一種比較乾淨嘅設計，就係木紋簡單冇樹眼冇補灰，咁樣喺設計上面就需要做出一啲色差，鋪裝嘅時候就可以呈現到仿實木嘅色差效果，例如科能嘅White Oak白橡木、Light Grey淺灰色，以及EIR同步紋全系列五個色，都係做咗色差嘅設計

3.睇厚度

科能標準地板嘅產品都係6.5 mm，如果對於腳感要求比較高，又或者可能地台表面有少許唔平整嘅情況；就可以考慮選用9mm嘅特厚款式

我哋嘅產品分別喺底墊部份，加咗1.5或者2mm嘅靜音墊，已經貼好咗嘅靜音墊腳感更佳，安裝嘅時候亦無需要加珍珠棉，更舒適耐用

4.睇款式

地板除咗有木紋之外，仲有石紋嘅選擇，由於石紋同木紋唔同，唔會有好大嘅變化，所以顏色嘅選擇唔會好多，一般會係2尺×1尺仿磚嘅設計，我哋嘅Cement水泥灰同埋Dolphin Grey海豚灰都係呢個尺寸；我哋另外仲有四尺長(1220*180*7+2mm)嘅石紋款式，鋪起上嚟更加大體特別，仲係全港獨有嘅石紋尺寸，提供Ancient Stone仿古石同埋Elephant Grey大象灰兩色選擇。

我哋亦都有提供Herringbone人字拼嘅地板選擇，現貨有Ivory象牙白、Latte啡白及Golden Oak金橡木；鋪裝嘅效果往往被客戶稱為驚艷！

5.睇配件

基本上科能嘅地板都配有專色嘅地腳線，有部份款式仲配埋樓梯吸嘴，好似我哋做一啲單位，有地板、樓梯板、地腳線做同款同色的，就要揀返有齊晒配件嘅顏色

—————————————————

歡迎隨時聯絡我哋查詢

Whatsapp +852 6767 1097

歡迎參觀陳列室 - VERDEE

營業時間：